Satyamev Jayate

ساتیامێڤ جایاتێ بەرنامەیەکی گفتوگۆی تەلەفزیۆنی هیندییە کە لە کەناڵە جیاوازەکانی ناو تۆڕی ستار لەگەڵ بەرنامەی دی دی ناسیۆناڵی دوردارشان پەخشکرا. وەرزی یەکەمی بەرنامەکە لە ٦ی ئایاری ٢٠١٢ بۆ یەکەمجار نمایشکرا و یەکەم دەرکەوتنی تەلەفزیۆنیی ئەکتەری بەناوبانگی بۆلیوود و سینەماکاری عامر خان بوو. نمایشەکە تیشک دەخاتە سەر پرسە کۆمەڵایەتییە هەستیارەکان کە لە هیندستاندا بڵاوبوونەتەوە وەکو کۆرپەکوژی مێینە، دەستدرێژی سێکسی بۆ منداڵان، مارەیی، خراپ بەکارهێنانی پزیشکی، کوشتنی شەرەف، بێهەستی بەرامبەر بە کەمئەندامانی جەستەیی، توندوتیژی خێزانی، زیادەڕۆیی لە بەکارهێنانی قڕکەر کە دەبێتە هۆی ژەهراویبوونی قڕکەر، مەیخواردنەوە، دەست لێنەدان، دۆخی نالەباری بەساڵاچووان و قەیرانی ئاو. ساتیامێڤ جایاتێ وەڵامێکی ئەرێنی و فیدباکێکی زۆری لەلایەن هەردوو ڕەخنەگرانەوە و هەروەها لەلایەن خەڵکەوە وەرگرت. ئەم بەرنامەیە بە شێوەیەکی بەرفراوان لەلایەن چەندین کەسایەتی سینەمایی و تەلەفزیۆنی و سیاسەتمەداران و چالاکانی کۆمەڵایەتییەوە بەرز نرخێندرا بۆ لێکۆڵینەوە و فۆرمات و پێشکەشکردن و ناوەڕۆکەکەی.